အဆိုပါ သတင်းအတုကို Man Media ဆိုတဲ့ ဖေ့စ်ဘွတ်ပေ့ချ်က ဖေဖော်ဝါရီလ ၈ ရက်နေ့မှာ ဖြန့်ဝေထားတာဖြစ်ပြီး သတင်းအမှားကိုဖြန့်ဝေရာမှာ ၆ မိနစ်ကျော်ကြာမြင့်တဲ့ Video တစ်ပုဒ်နဲ့ တွဲတင်ထားတာဖြစ်ပါတယ်။ အဆိုပါ Video ရဲ့ သတင်းကြေညာနေတဲ့ ဓါတ်ပုံတစ်ပုံကို ဖော်ပြထားပြီး ဓါတ်ပုံပေါ်မှာ ၈ ရက်နေ့၊ မနက်ပိုင်းသတင်းလို့ ဖော်ပြထားကာ KNU က သစ္စာဖောက်ကာ PDF တွေကို စစ်ကောင်စီလက်ထဲ ထိုးကြွေးနေပြီလို့ ရေးသားထားပါတယ်။ ဒီ Video ကို လူမှုကွန်ယက်ပေါ်ဖြန့်ဝေရာမှာလည်း အဆိုပါအတိုင်း ရေးသားဖြန့်ဝေထားပါတယ်။
မူရင်းရေးသားဖြန့်ဝေမှုကို ဒီနေရာ နဲ့ ဒီနေရာမှာ ကြည့်ပါ။
အဆိုပါ Video ကို like လုပ်ထားသူ ၁၁၀၀၀ ကျော်နဲ့ ဝင်ရောက်ကြည့်ရှု့ထားသူ ၃ သိန်း ၈ သောင်းကျော်ရှိနေပါတယ်။
သတင်းဆန်းစစ်ချက်
KNU က သစ္စာဖောက်ပြီး PDF တွေကို စစ်ကောင်စီလက်ထဲ ထိုးကြွေးနေပြီဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ ဝင်ရောက်ကြည့်ရှု့သူများအောင် လိမ်ညာရေးသားထားတဲ့ သတင်းအတုဖြစ်တာကို တွေ့ရပါတယ်။
ဒီသတင်းအမှားဟာ KUN စစ်ဦးစီးချုပ်ဟောင်း စောနယ်ဒါးမြ ခွဲထွက်တည်ထောင်လိုက်တဲ့ ကော်သူလေးတပ်မတော်နဲ့ KNU တပ်မဟာ ၄ အောက်က တပ်ဖွဲ့တွေကြား တင်းမာမှုဖြစ်ခဲ့တဲ့ ဖြစ်ရပ်ကို အသုံးပြုပြီး KNU က သစ္စာဖောက်ကာ PDF တွေကို စစ်ကောင်စီလက်ထဲ ထိုးထည့်နေတယ်လို့ နားလည်မှုလွဲမှားအောင် ရေးသားကာ သတင်းအမှားဖြန့်ထားခြင်းဖြစ်ပါတယ်။ ဒီဖြစ်စဉ်ဟာလည်း တနင်္သာရီတိုင်းအတိုင်းက KNU တပ်မဟာ ၄ နယ်မြေမှာ ဖြစ်ပွားနေတာဖြစ်ပြီး တပ်ရင်းအမှတ် ၁၀ နဲ့ တပ်ရင်းအမှတ် ၄ ကြားသာ ဖြစ်နေတာ ဖြစ်ပြီး KNU တပ်ရင်းအားလုံးမှာ ဖြစ်ပွားနေခြင်း မရှိသလို PDF တွေက စစ်ကောင်စီလက်ထဲ ထိုးကြွေးနေခြင်းလည်း မရှိပါဘူး။ ဒီအခြေအနေကို အသုံးချပြီး သတင်းအမှားဖြန့်ထားခြင်းသာဖြစ်ပါတယ်။
KNU တပ်မဟာ ၄ နယ်မြေမှာ ဖြစ်နေတဲ့ အကြောင်းအရာနဲ့ ပတ်သက်ပြီး BBC သတင်းဌာနက ရေးသားဖော်ပြထားတဲ့ သတင်းကို အောက်ပါ Link မှာ ဖတ်နိုင်ပါတယ်။
KNU တပ်မဟာ ၄ နယ်မြေထဲ ဘာတွေ ဖြစ်နေတာလဲ
ဒါ့အပြင် သတင်းအမှားဖြန့်ထားတဲ့ Video ထဲမှာလည်း တပ်မဟာ ၄ နယ်မြေထဲက ပြဿနာကို အမြန်ဆုံးဆွေးနွေးအဖြေရှာဖို့ တနင်္သာရီလူထု တောင်းဆို ဆိုတဲ့ သတင်းအကြောင်းအရာကိုသာ ဖော်ပြထားပါတယ်။
သတင်းအမှားဖြန့်ထားတဲ့ Page ကို ဝင်ရောက်စစ်ဆေးကြည့်တဲ့အခါ ကြည့်ရှု့သူအရေအတွက်များအောင် သတင်းခေါင်းစဉ်တွေမှာ လိမ်ညာရေးသားထားပြီး ကြည့်ရှု့သူအရေအတွက်ကနေ ဝင်ငွေပြန်ရှာနေတဲ့ Clickbaits သတင်းတွေ ဖြန့်နေတဲ့ အဖွဲ့ဖြစ်တာကို တွေ့ရပါတယ်။