ဒီအကြောင်းအရာကို Myint Oo San-Vlogs ဆိုတဲ့ ဖေစ့်ဘွတ်ပေချ့်မှာ မေလ ၂၁ ရက်နေ့ နံနက်ပိုင်းက စတင်ဖြန့်ဝေခဲ့တာဖြစ်ပြီး ထပ်ဆင့်ဖြန့်ဝေမှု အများအပြားလည်း ရှိနေပါတယ်။
ဖြန့်ဝေရာမှာ ပုံသဏ္ဍန်ထူးခြားနေတဲ့ ပန်းပွင့်တစ်ပွင့်ရဲ့ ပုံနဲ့အတူ 'ကချင်ပြည်နယ် ဆော့လော်မြို့နယ် အထက်ပိုင်းရွာတွေမှာ တွေ့ရတဲ့ အမည်မသိ တောပန်း တစ်မျိုးဖြစ်ပါတယ်' လို့ ရေးသားထားတာပါ။
ဖြန့်ဝေမှုတွေကို ဒီနေရာ၊ ဒီနေရာ နဲ့ ဒီနေရာ တွေမှာ ဝင်ရောက် ကြည့်ရှု့နိုင်ပါတယ်။
ဒီပန်းပွင့်ပုံကို အခြားဆိုရှယ်မီဒီယာတွေဖြစ်တဲ့ Thread ပေါ်မှာလည်း အင်္ဂလိပ်ဘာသာစကားနဲ့ အမျိုးမျိုးရေးသားဖြန့်ဝေနေမှု တွေလည်း ရှိနေပါတယ်။
ဖြန့်ဝေရာမှာ ပန်းပွင့်ပုံတွေနဲ့အတူ ပျော်ရွှင်မနေတဲ့ သစ်ခွပန်း၊ နွားသိုးရုပ်နဲ့ သစ်ခွ၊ နဂါးရုပ်နဲ့ သစ်ခွ၊ ဝမ်းနည်းနေတဲ့ သစ်ခွပန်း စတဲ့ အသုံးအနှုန်းတွေရေးသား ထားတာပါ။
Thread ပေါ်က ဖြန့်ဝေမှုအချို့ကိုလည်း ဒီနေရာ၊ ဒီနေရာ နဲ့ ဒီနေရာ တွေမှာ ဝင်ရောက် ကြည့်ရှု့နိုင်ပါတယ်။
သတင်းဆန်းစစ်ချက်
ဒီအကြောင်းအရာကို Boom Myanmar က အချက်အလက် စစ်ဆေး ကြည့်တဲ့အခါ လုပ်ကြံဖန်တီးထားတဲ့ သတင်းအတု ဖြစ်တာကို တွေ့ရပါတယ်။
အခုဖြန့်ဝေနေတဲ့ ပုံသဏ္ဍန်ထူးခြားနေတဲ့ ပန်းပုံတွေကို scliseofai ဆိုတဲ့ Instagram အကောင့်မှာ ပြီးခဲ့တဲ့ ဧပြီလ ၉ ရက်နေ့ ကတည်းက ဖြန့်ဝေထားတာ ဖြစ်ပါတယ်။
ဖြန့်ဝေရာမှာ အကောင့်ပိုင်ရှင်က ဒီပန်းပုံတွေကို AI နည်းပညာအသုံးပြုပြီး ဖန်တီးထားတဲ့ AI Artwork ဖြစ်ကြောင်းလည်း တပါတည်း ရေးသားထားပြီးသာ ဖြစ်ပါတယ်။
ဒါကို ကိုယ့်ဆိုရှယ်မီဒီယာ ပေချ့်တွေ အကောင့်တွေမှာ ဖော်လိုဝါများများရဖို့ သတင်းမှားတွေ ရေးပြီး ဖြန့်ဝေနေတာဖြစ်ပါတယ်။
scliseofai ဆိုတဲ့ Instagram အကောင့်မှာ ဖြန့်ဝေထားတဲ့ မူရင်း ဓာတ်ပုံတွေကို ဒီနေရာ မှာ ဝင်ရောက် ကြည့်ရှု့နိုင်ပါတယ်။