အာဏာသိမ်းစစ်ကောင်စီကို ဆန့်ကျင်ဖို့ လှိုင်သာယာမြို့နယ်က ဘုန်းကြီးတစ်ပါးဖြစ်တဲ့ ဥူးကေသရ အဖြစ်ကနေ တော်လှန်ရေးရဲဘော်အဖြစ် ကူးပြောင်းခဲ့တဲ့ Lion Battalion Commando စစ်ကြောင်းက ရဲဘော် စောဂျော့မိုက်ကယ် စနိုက်ပါထိမှန်ပြီး ကျဆုံးသွားတယ် သတင်းအမှားတွေ ဧပြီလ ၁၆ ရက်နေ့ မနက်ပိုင်းက လူမှုကွန်ယက်ပေါ် စတင်ပြန်နှံ့လာခဲ့ပါတယ်။ ဒီသတင်းအမှားကို သတင်းဌာနတစ်ချို့ကလည်း သတင်းရေးသားထားကြသလို တစ်ချို့ဖေ့စ်ဘွတ်အသုံးပြုသူတွေက “ဥူးဇင်းဦးကေသရ ( ခေါ် ) ရဲဘော် စောဂျော့မိုက်ကယ် ကို တော်လှန်ရေးသမားအချင်းချင်း လုပ်ကြံ သတ်ဖြတ် ခံရသည်ဟု တော်လှန်ရေး မောင်နှမတွေဖော်ပြ” လို့ ရေးသားဖြန့်ဝေထားကြပါတယ်။ စစ်ကောင်စီ ထောက်ခံသူတွေဘက်ကလည်း မြဝတီကုန်သွယ်ရေးဇုန်ကို ခေါင်းဆောင်အဖြစ် ဝင်တိုက်ခဲ့တဲ့ စောဂျော့မိုက်ကယ် ကျဆုံးသွားကြောင်း ဝါဒဖြန့် ရေးသားမှုတွေ ရှိနေပါတယ်။
မူရင်း ရေးသားဖြန့်ဝေမှုကို ဒီနေရာ ၊ ဒီနေရာနဲ့ ဒီနေရာမှာ ကြည့်ပါ။
အဆိုပါ သတင်းအမှားကို သတင်းဌာနတစ်ချို့နဲ့ စစ်ကောင်စီကို ဆန့်ကျင်သူတွေရော၊ ထောက်ခံသူတွေဘက်ကပါ ဖြန့်ဝေထားကြပါတယ်။
သတင်းဆန်းစစ်ချက်
Lion Battalion Commando စစ်ကြောင်းက ဥူးကေသရ ခေါ် ရဲဘော်စောဂျော့မိုက်ကယ် စနိုက်ပါထိမှန်ပြီး ကျဆုံးသွားတယ်ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ သတင်းအမှားဖြစ်တာကို တွေ့ရပါတယ်။
စောဂျော့မိုက်ကယ်ဟာ ကျဆုံးသွားခြင်း မရှိပါဘူး။ Lion Battalion Commando စစ်ကြောင်းက တော်လှန်ရေးသမားတစ်ဦးက Boom Myanmar ကို အတည်ပြုပေးသလို စောဂျော့မိုက်ကယ်ရဲ့ ဖေ့စ်ဘွတ်စာမျက်နှာကလည်း ကျဆုံးသွားခြင်း မရှိကြောင်း ၎င်းပိတ်မိနေစဉ် လာရောက် ကယ်တင်ပေးတဲ့ Lion Battalion Commando က ရဲဘော်တွေကိုလည်း ကျေးဇူးတင်ကြောင်း ရေးသားထားပါတယ်။ ၎င်းကို စနိုက်ပါနဲ့ ၃ ချက်အပိုင်ပစ်သော စစ်ကောင်စီတပ်က ရုရှားပြန် ဗိုလ်ကိုလည်း အသုံးမကျတဲ့သူဖြစ်ကြောင်း လှောင်ပြောင်ထားပါတယ်။
စောဂျော့မိုက်ကယ်ရဲ့ ဖေ့စ်ဘွတ်စာမျက်နှာမှာ ရေးထားတဲ့ အကြောင်းအရာတွေ ဒီနေရာ နဲ့ ဒီနေရာမှာ ဝင်ရောက် ကြည့်ရှု့နိုင်ပါတယ်။