အဆိုပါ သတင်းအတုကို စက်တင်ဘာလ ၁၄ ရက်ခန့်မှာ လူမှုကွန်ယက် စာမျက်နှာ အသီးသီးမှာ ထွက်ပေါ်လာတာဖြစ်ပြီး သတင်းအမှားထဲမှာ "ABC မီဒီယာက စက်တင်ဘာလ ၁၀ ရက် အဂ်ါနေ့မှာ ကျင်းပခဲ့တဲ့ Debate ကြောင့် ကြော်ငြာတွေက ဝင်ငွေ ဒေါ်လာ ၂၇ သန်း ဆုံးရှုံးခဲ့တယ်" လို့ ရေးသားထားပါတယ်။
မူရင်း ရေးသားဖြန့်ဝေမှုကို ဒီနေရာ နဲ့ ဒီနေရာမှာ ကြည့်ပါ။
အဆိုပါ ပိုစ့်ကို တစ်ခြား Social Media အသုံးပြုသူတွေကပါ ကူးယူဖော်ပြနေကြပါတယ်။
သတင်းဆန်းစစ်ချက်
ABC မီဒီယာက သမ္မတနေရာ စကားစစ်ထိုးပွဲ ကျင်းပလို့ ကြော်ငြာဝင်ငွေ ဒေါ်လာ ၂၇ သန်း ဆုံးရှုံးသွားတယ်ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ ကောလဟာလ သတင်းအမှားဖြစ်ကြောင်း တွေ့ရပါတယ်။
ABC မီဒီယာဟာ ထရမ့်နဲ့ ကမ်မလာဟဲရစ်တို့ရဲ့ သမ္မတနေရာ စကားစစ်ထိုးပွဲကြောင့် ဒေါ်လာ ၂၇ သန်း ဆုံးရှုံးသွားခြင်း မရှိပါဘူး။
ဒီကောလဟာလ သတင်းအမှားဟာ SP ACEXMANIA ဆိုတဲ့ Website မှာ ဖော်ပြထားတဲ့ သရော်စာကို အခြေခံပြီး ထွက်ပေါ်လာခြင်းသာ ဖြစ်ပါတယ်။
ဒီသတင်းနဲ့ ပတ်သက်ပြီး တစ်ခြားမီဒီယာတွေမှာ ဖော်ပြထားတဲ့ အချက်အလက် စစ်ဆေးထားတဲ့ သတင်းတွေကို ဒီနေရာ နဲ့ ဒီနေရာမှာ ဖတ်နိုင်ပါတယ်။