ဒီအကြောင်းအရာကို ဆိုရှယ်မီဒီယာ Threads မှာ ဇန်နဝါရီလ အစောပိုင်းကတည်းက စတင်ဖြန့်ဝေနေတာဖြစ်ပြီး ထပ်ဆင့်ဖြန့်ဝေမှု အများအပြားလည်း ရှိနေပါတယ်။
ဖြန့်ဝေရာမှာ တေလာဆွစ်က ကယ်လီဖိုးနီးယားတောင်ပိုင်း တောမီးကယ်ဆယ်ရေးအတွက် ဒေါ်လာ ၁၀ သန်း လှူဒါန်းတယ်ဆိုပြီး အဓိပ္ပါယ်ရတဲ့ အင်္ဂလိပ်ဘာသာစကားနဲ့ ရေးသားဖြန့်ဝေနေကြတာပါ။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။
သတင်းဆန်းစစ်ချက်
ကမ္ဘာကျော် ပေါ့ပ်အဆိုတော် တေလာဆွစ်က ယ်လီဖိုးနီးယားတောင်ပိုင်း တောမီးကယ်ဆယ်ရေးအတွက် ဒေါ်လာ ၁၀ သန်း လှူဒါန်းတယ်ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ လုပ်ကြံ ရေးသားထားတဲ့ သတင်းအတုဖြစ်တာကို တွေ့ရပါတယ်။
ဒီအကြောင်းအရာကို တေလာဆွစ်ရဲ့ ဆိုရှယ်မီဒီယာ အကောင့်တွေမှာ တင်ထားတာမျိုး မရှိသလို ယုံကြည် စိတ်ချရတဲ့ သတင်းဌာနတွေမှာ ဖော်ပြထားတာလည်း မရှိပါဘူး။
တေလာဆွစ်ရဲ့ ဆိုရှယ်မီဒီယာအကောင့်တွေကို ဒီနေရာ၊ ဒီနေရာ နဲ့ ဒီနေရာ တွေမှာ ဝင်ရောက်ကြည့် ရှု့နိုင်ပါတယ်။
ပြီးခဲ့တဲ့ ရက်ပိုင်းကလည်း Thor မင်းသား Chris Hemsworth လော့စ်အိန်ဂျလိစ် တောမီးလောင်မှု အတွက် ဒေါ်လာ သန်း ၂၀ လှူဒါန်းမယ် ဆိုပြီး သတင်းမှားတွေ ရေးသားဖြန့်ဝေခဲ့တာတွေ ရှိပါတယ်။