ဒီအကြောင်းအရာကို ရက်ပိုင်းအတွင်း သတင်းအမှားတွေ ဆက်တိုက်တင်နေတဲ့ 25 Daily ဆိုတဲ့ ဖေစ့်ဘွတ်ပေချ့်မှာ မေလ ၂၈ ရက်နေ့ ညပိုင်းက စတင်ဖြန့်ဝေလာတာ ဖြစ်ပြီး ထပ်ဆင့်ဖြန့်ဝေမှုတွေလည်း ရှိနေပါတယ်။ အမေရိကန် အထက်လွှတ်တော် ရီပါပလစ်ကန် ခေါင်းဆောင် မတ်ကော်နယ် (Mitch McConnell) ရဲ့ သတင်းဓါတ်ပုံတွေ စုစည်းထားတဲ့ ၆ မိနစ်ကျော်ကြာ ဗွီဒီယိုဖိုင်တစ်ခုနဲ့အတူ "ပြည်သူများ ၁ လပဲ စောင့်ကြပါ။ တော်လှန်ရေးကို အဆုံးသတ်ဖို့ NUG နဲ့ လုပ်နေတယ်ဟု US မိန့်" လို့ ရေးသားဖြန့်ဝေနေတာပါ။
ဗွီဒီယိုထဲမှာ မေ ၂၅ ရက်ကပြုလုပ်တဲ့ အထက်လွှတ်တော်အမတ်များ ကြားနာမှုမှာ မြန်မာ့အရေးနဲ့ပတ်သက်ပြီး အထက်လွှတ်တော်အမတ် မတ်ကော်နယ်ရဲ့ ပြောကြားထားတာတွေကို နောက်ခံစကားပြောနဲ့ ပြန်လည်ပြောဆိုထားတာ ဖြစ်ပါတယ်။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
မြန်မာ့အရေးနဲ့ပတ်သက်ပြီး မည်သို့ လုပ်ဆောင်မယ်ဆိုတာတွေကို အမေရိကန် သမ္မတ ဘိုင်ဒင်ဦးဆောင်တဲ့ အစိုးရအနေနဲ့ လွှတ်တော်ကို အစီရင်ခံဖို့ လိုအပ်ကြောင်း မေ ၂၅ ရက်ကပြုလုပ်တဲ့ အထက်လွှတ်တော်အမတ်များ ကြားနာမှု မှာ အထက်လွှတ်တော်အမတ် မတ်ကော်နယ်က ပြောကြားထားတာပါ။
ဒီသတင်းနဲ့ ဆက်စပ်ပြီး ဖြန့်ဝေနေတဲ့ "တစ်လအတွင်း တော်လှန်ရေးကို အဆုံးသတ်ဖို့ NUG နဲ့ လုပ်ဆောင်နေတယ်လို့ အမေရိကန်ပြောဆို" တယ်ဆိုတာ သတင်းအမှားပဲ ဖြစ်ပါတယ်။
အထက်လွှတ်တော်အမတ် မတ်ကော်နယ်က "မြန်မာနိုင်ငံရဲ့ ဒီမိုကရေစီ တိုက်ပွဲနဲ့ ကျနော်တို့ရဲ့ ထောက်ခံပံ့ပိုးမှုအခန်းကဏ္ဍဟာ အလွန် အရေးကြီးတဲ့ လမ်းဆုံလမ်းခွကို ရောက်ရှိနေပါပြီ။ ဒီနေ့မှာ ကျနော်နဲ့လုပ်ဖော်ကိုင်ဖက်များက အစိုးရကိုယ်စားလှယ်များထံမှ မြ န်မာပြည်သူများကို ကူညီဖို့ ဘယ်အရာတွေကို ပိုပြီးတိုးမြှင်လုပ်ဆောင်ဖို့ ပြင် ဆင်ထားသလဲဆိုတာကို ကြားနာဖို့ မျှော်လင့်ပါတယ်" လို့ ပြောပါတယ်။
ဒါအပြင် အကြမ်းဖက်စစ်ကောင်စီရဲ့ ၁၆ လတာ အုပ်ချုပ်မှုအောက်မှာ ပြည်သူတွေ ထောင်နဲ့ချီပြီးတော့ သေဆုံးခဲ့ရသလို ဒေါ်အောင်ဆန်းစုကြည်နဲ့ ဩစတြေးလျနိုင်ငံသား ရှောင်တာနယ်တို့ပါအဝင် အပြစ်မဲ့ပြည်သူထောင်ပေါင်းများစွာ ဖမ်းဆီး ခံထားရတယ်ဆိုပြီးတော့လည်း ထောက်ပြပြောကြားထားပါတယ်။ဒီသတင်းကို ပြည်တွင်းပြည်ပ သတင်းဌာနတွေမှာ ဖော်ပြထားပါတယ်။ ဒီနေရာ မှာ ကြည့်ရှု့နိုင်ပါတယ်။