ဒီဗီဒီယိုဖိုင်ကို chekus0ne ဆိုတဲ့ Threads ဆိုရှယ်မီဒီယာ အကောင့်မှာ ဩဂုတ်လ ၂၉ ရက်မှာ ဖြန့်ဝေထားတာဖြစ်ပြီး ထပ်ဆင့်ဖြန့်ဝေမှုတွေလည်း ရှိနေပါတယ်။
ဖြန့်ဝေရာမှာ ကြာချိန် စက္ကန့်ပိုင်းသာရှိတဲ့ ဗီဒီယိုဖိုင်တစ်ခုနဲ့အတူ 'Airplane crash lands in water' ဆိုပြီး ရေးသားထားပါတယ်။
ဗီဒီယိုထဲမှာတော့ Thai Airways တံဆိပ်ပါ လေယာဉ်တစ်စီး မီးလောင်ပြီး ရေထဲထိုးကျသွားတဲ့ ရုပ်သံဖိုင်ဖြစ်ပါတယ်။
ဖြန့်ဝေမှုကို ဒီနေရာ မှာ ဝင်ရောက် ကြည့်ရှု့နိုင်ပါတယ်။
ဖြန့်ဝေနေတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ ဝင်ရောက် ကြည့်ရှုသူများအောင် လုပ်ကြံဖန်တီးထားတဲ့ ဗီဒီယိုအတု ဖြစ်တာကို တွေ့ရပါတယ်။
အခုဖြန့်ဝေနေတဲ့ ဗီဒီယိုဖိုင်ဟာ Youtube ချန်နယ်တွေပေါ်မှာ ပြန်လည် ဖြန့်ဝေထားတဲ့ simulation game တစ်ခုခုရဲ့ video footage တစ်ခုခု ဖြစ်နိုင်ပါတယ်။
ဂိမ်းကစားတဲ့ video footage တွေကို ပြန်လည်ဖြန့်ဝေနေတဲ့ ANHVGTA ဆိုတဲ့ Youtube ချန်နယ်မှာလည်း ဒီလို အကြောင်းအရာများစွာ ဖြန့်ဝေထားတာ တွေ့နိုင်ပါတယ်။
ဒီနေရာ မှာ ဝင်ရောက် ကြည့်ရှု့နိုင်ပါတယ်။
သတင်းအမှားဖြန့်ထားတဲ့ ဖေစ့်ဘွတ်ပေချ့်ကို ဝင်ရောက်စစ်ဆေးကြည့်တဲ့အခါမှာ သတင်းတွေကို ဝင်ရောက်ကြည့်ရှုသူ များအောင် လုပ်ကြံရေးသားပြီး ကြည့်ရှုသူအရေအတွက်ကနေ ဝင်ငွေပြန်ရနိုင်တဲ့ Clickbaits သတင်းတွေ ဖြန့်နေတာဖြစ်ပါတယ်။