အဆိုပါ ဓါတ်ပုံထဲမှာ ဦးနှောက် အသန့် တစ်ခုရဲ့ ဓါတ်ပုံနဲ့ ညစ်ပတ်ပေကျံကာ အမဲရောင်တွေဖြစ်နေတဲ့ ဦးနှောက်နဲ့ ခပ်ဆင်ဆင် အရာတစ်ခုရဲ့ ဓါတ်ပုံနှစ်ပုံကို ယှဉ်တွဲ ဖော်ပြထားပြီး ဓါတ်ပုံအောက်မှာ အရက်သောက်တဲ့ ဦးနှောက်ရဲ့ ပုံနဲ့ အရက်မသောက်တဲ့ ဦးနှောက်ရဲ့ ပုံဖြစ်တယ်လို့ ဖြန့်ထားပါတယ်။
မူရင်း ရေးသားဖြန့်ဝေမှုကို ဒီနေရာမှာ ကြည့်ပါ။
အဆိုပါ ဓါတ်ပုံကို လူမှုကွန်ယက် စာမျက်နှာ အသီးသီးမှာ ဖြန့်ထားကြပါတယ်။
သတင်းဆန်းစစ်ချက်
အရက်သောက်စားသူရဲ့ ဦးနှောက်နဲ့ အရက်မသောက်သုံးသူရဲ့ ဦးနှောက်တွေလို့ နှိုင်းယှဉ်ပြထားတဲ့ ဓါတ်ပုံကို Boom Myanmar က အချက်အလက် စစ်ဆေးကြည့်တဲ့အခါ မှားယွင်းစွာ ဖြန့်ဝေနေတဲ့ ဓါတ်ပုံဖြစ်တာကို တွေ့ရပါတယ်။
ဒီဓါတ်ပုံဟာ လွန်ခဲ့တဲ့ နှစ်ပေါင်း ၂၆၀၀ ခန့်က ဓါတ်ပုံဖြစ်ပြီး the Journal of the Royal Society Interface ရဲ့ သုတေသနစာတမ်းမှာ ဖော်ပြထားတဲ့ ဓါတ်ပုံသာ ဖြစ်ပါတယ်။ အဲ့ဒီ သုတေသန စာတမ်းကို ၂၀၂၀ ခုနှစ်မှာ ထုတ်ဝေခဲ့တာဖြစ်ပြီး ရှေးဟောင်း ရုပ်ကြွင်းတွေကို သုတေသနာ ပြုထားတဲ့ စာတမ်းဖြစ်ပါတယ်။
အဆိုပါ သုတေသန စာတမ်းကို ဒီနေရာမှာ ဖတ်ပါ။
သတင်းအမှားဖြန့်သူဟာ ဒီရှေ့ဟောင်း ရုပ်ကြွင်း ဦးနှောက်တစ်ခုရဲ့ ဓါတ်ပုံကို အသုံးပြုပြီး အရက်သောက်သုံးသူရဲ့ ဦးနှောက်ပုံစံ ဖြစ်တယ်လို့ ဖြန့်ထားတာ ဖြစ်ပါတယ်။