လူတွေအများကြီး ထီးတွေဆောင်းထားတဲ့ပုံနဲ့ သတင်းအမှန်ကဘာလဲ
တရုတ်နိုင်ငံမှာ ရေးကြီးရေလျှံမှုဖြစ်ပေါ်တဲ့အတွက် ဒေသခံတွေ ဘေးလွတ်ရာကုန်းမြင့်တွေဆီ ရွှေ့ပြောင်းနေတယ်လို့ ရေးသားကာ လူပေါင်းများစွာ ထီးဆောင်းပြီး လမ်းလျှောက်နေတဲ့ပုံနဲ့ ပိုစ်တစ်ခုကို အွန်လိုင်းပေါ်ဖြန်ကြပါတယ်။
ဒီပုံကတော့ Extreme Weather World ဆိုတဲ့ ဖေစ့်ဘွတ်ပေချ့်မှာ ဇူလိုင်လ ၁၉ ရက်နေ့က ဖြန့်ဝေခဲ့တာဖြစ်ပြီး ဒီသတင်းကို တရုတ်နိုင်ငံက ဆိုရှယ်မီဒီယာအသုံးပြုသူအများစုနဲ့ South China Morning Post လို တချို့သတင်းဌာန တွေကပင် သတင်းဖော်ပြနေတာ ဖြစ်ပါတယ်။ ရေးသားဖြန့်ဝေနေမှုကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
ရေးသားဖြန့်ဝေရာမှာ "အခြေအနေတော်တော်ဆိုးပါတယ်။ ကြောက်စရာ ရေကြီးမှုကြောင့် ကုန်းမြင့်ဒေသတွေကို ထွက်ပြေးနေတဲ့ တရုတ်ပြည်က လူတွေ" ဆိုပြီးရေးသားထားတာပါ။
သတင်းဆန်းစစ်ချက်
ဒီဖြန့်ဝေနေမှုမှာ ပါဝင်တဲ့ ပုံတွေကို စိစစ်ကြည့်ရာမှာတော့ ဒီပုံဟာ ပြီးခဲ့တဲ့ နှစ်က ဟောင်ကောင်မှာလုပ်ခဲ့တဲ့ ထီးဆောင်းတဲ့ လှှုပ်ရှားမှုတစ်ခုနဲ့ အစိုးရကို ဆန္ဒပြတဲ့ ပွဲက ဓါတ်ပုံပဲ ဖြစ်ပါတယ်။
ဒီဆန္ဒပြပွဲကို ၂၀၁၉ ခုနှစ် သြဂုတ်လ ၁၈ ရက်နေ့က ပြုလုပ်ခဲ့တာဖြစ်ပြီး ဘေဂျင်းအစိုးရရဲ့အငြင်းပွားဖွယ်ရာ ဥအဒေ တစ်ခုဖြစ်တဲ့ တရားခံလွှဲပြောင်းရေး ဥပဒေကြမ်းကို လုံးဝရုတ်သိမ်းရန်၊ ဆန္ဒပြပွဲများအတွင်း ရဲတပ်ဖွဲ့ဝင်များကျူးလွန်ခဲ့တဲ့ အကြမ်းဖက်မှုများကို စုံစမ်းစစ်ဆေးရန်၊ ဆန္ဒပြပွဲများတွင် အဖမ်းခံရသူအားလုံးအတွက် လွတ်ငြိမ်းချမ်းသာခွင့်ပေးရန် တောင်းဆိုတဲ့ပွဲက ဓါတ်ပုံပဲ ဖြစ်ပါတယ်။ အောက်ဖော်ပြပါ ပုံကို ကြည့်ပါ။
အထက်ပါပုံကို ကြည့်ရင် ဘယ်ဘက်ခြမ်းက ပုံကတော့ တရုတ်ရေးကြီးမှုဆိုတဲ့ ရေးသားဖြန့်ဝေမှုမှာ ပါဝင်တဲ့ ပုံဖြစ်ပြီး ညာဘက်က ပုံကတော ၂၀၁၉ ခုနှစ် သြဂုတ်လ ၁၈ ရက်နေ့က့ ဗွီအိုအေ သတင်းဌာနမှာဖော်ပြခဲ့တဲ့ ဟောင်ကောင်ဆန္ဒပြမှု သတင်းက ဓါတ်ပုံပဲ ဖြစ်ပါတယ်။့ ဗွီအိုအေ သတင်းဌာနရဲ့ သတင်းကို ဒီနေရာ မှာ ကြည့်ရှု့နိုင်ပါတယ်။
ဒီဆန္ဒပြမှုသတင်းကို ဘီဘီစီသတင်းဌာနကလည်း ၂၀၁၉ ခုနှစ် သြဂုတ်လ ၁၉ ရက်က BBC သတင်းဌာနရဲ့ Youtube channel မှာ ဖော်ပြခဲ့ပြီး သတင်းဗွီဒီယိုကို ဒီနေရာ မှာ ကြည့်ရှု့နိုင်ပါတယ်။
