မယုံနိုင်ဖွယ်ရာ အရွေ့တစ်ခုဖြစ်လာမယ်လို့ ဒေါ်ဇင်မာအောင် ပြောခဲ့တယ်ဆိုတဲ့ သတင်းအမှား

အဆိုပါ သတင်းအတုဟာ ဒီဇင်ဘာလ ၁၀ ရက်နေ့ခန့်က လူမှုကွန်ယက်ပေါ်ပျံ့နှံ့ခဲ့တာဖြစ်ပြီး အမျိုးသားညီညွတ်ရေး အစိုးရ ၊ နိုင်ငံခြားရေးရာဝန်ကြီး ဒေါ်ဇင်မာအောင်က NDAA ကို အတည်ပြုလိုက်တာနဲ့ပတ်သက်ပြီး "မယုံနိုင်ဖွယ်ရာ အရွေ့တစ်ခု ဖြစ်လာတော့မယ်" လို့ မှတ်ချက်ပေးထားတယ်ဆိုတဲ့ ဖြန့်ဝေမှုတွေ ထွက်ပေါ်ခဲ့တာ ဖြစ်ပါတယ်။

မူရင်းရေးသားဖြန့်ဝေမှုကို ဒီနေရာ ၊ ဒီနေရာ ၊ ဒီနေရာ နဲ့ ဒီနေရာမှာ ကြည့်ပါ။

ဒီအကြောင်းအရာကို ဖေ့စ်ဘွတ်အကောင့်ပေါင်း များစွာက ထပ်ဆင့်ဝေမျှခြင်း ကူးယူဖော်ပြခြင်းတွေ ပြုလုပ်နေကြပါတယ်။

သတင်းဆန်းစစ်ချက်

အမေရိကန်အောက်လွတ်တော်က NDAA ကို အတည်ပြုပြီးနောက် မယုံနိုင်စရာ အရွေ့တစ်ခု ဖြစ်လာတော့မယ်လို့ NUG နိုင်ငံခြားရေးရာဝန်ကြီး ဒေါ်ဇင်မာအောင်က ပြောကြားခဲ့တယ်ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ သတင်းအမှား ဖြစ်ကြောင်း တွေ့ရပါတယ်။

ဒေါ်ဇင်မာအောင်ကလည်း ၎င်းရဲ့ ဖေ့စ်ဘွတ်စာမျက်နှာကနေ ဒီလို မှတ်ချက်စကားမျိုး ပြောဆိုခဲ့ဖူးခြင်း မရှိကြောင်း False hope ပေးတဲ့ သဘောမျိုးသက်ရောက်စေတဲ့ စကားတွေကို ပြောလေ့မရှိဘဲ သတိထား ရှောင်ရှားလေ့ရှိကြောင်း "ပထမ ပုံ က message ကိုတွေ့တော့ ဘယ်မှာများပြောခဲ့ပါလိမ့်လို့ အံ့ဩပြီး ကိုယ့်ကို ကိုယ် review လုပ်မိပါတယ်။ ခုရက်ပိုင်း မီဒီယာ အင်တာဗျူးလည်းမပေးမိပါ။ NDAA နဲ့ပက်သက်ပြီးတင်ခဲ့တဲ့ post က ကောက်နှုတ်ချက်ဖြစ်ပါလိမ့်မယ် ။သင်ခန်းစာ ယူပြီး မြန်မာလို ဘာသာပြန် ပြန်ထည့်လိုက်ပါတယ်။ ပြည်သူတွေ အာဏာရှင်စနစ်ဖြုတ်ချရေး တော်လှန်ရေးမှာ ဆက်လက်ကြံကြံ့ခံ အားတင်းပါဝင်နေဖို့လိုအပ်သလို ဆက်လက်ပါဝင်နေဖို့ အားအင်တွေ ရှိဖို့ လိုအပ်တယ်ဆိုတာလည်း အမှန်တရားပါ။ သို့သော် False hope သဘောမျိုး ဖြစ်စေမယ့် သတင်းစကား မျိုးကိုတော့ သတိထားပြီး ရှောင်ရှားဖြစ်ပါတယ်" လို့ ၎င်းရဲ့ ဖေ့စ်ဘွတ်စာမျက်နှာမှာ ရေးသားထားပါတယ်။