KIA က စစ်တပ် ရဟတ်ယာဉ်တစ်စီး ပစ်ချလိုက်တယ်ဆိုတဲ့ ဗီဒီယိုဖိုင်အတု

ဒီအကြောင်းအရာကို ‘အမေ့သား’ ဆိုတဲ့ ဖေစ့်ဘွတ်အကောင့်မှာ ဩဂုတ်လ ၁၆ ရက်နေ့မှာ စတင်ဖြန့်ဝေထားတာ ဖြစ်ပြီး အခြားဖေစ့်ဘွတ်ဂရုတွေမှာလည်း ဖြန့်ဝေနေပါတယ်။

ဖြန့်ဝေရာမှာ ရဟတ်ယာဉ်တစ်စီးကို ဒုံးကျည်နဲ့ ပစ်ခတ်လိုက်တဲ့ စက္ကန့်ပိုင်းမျှသာ ကြာမြင့်တဲ့ ဗီဒီယိုကလစ်တစ်ခုကို ‘KIA ရဲ့ လက်စွမ်းပါ’ လို့ ရေးသားဖြန့်ဝေထားတာပါ။

ဖြန့်ဝေမှုကို ဒီနေရာ နဲ့ ဒီနေရာ တွေမှာ ဝင်ရောက် ကြည့်ရှု့နိုင်ပါတယ်။

သတင်းဆန်းစစ်ချက်

ဖြန့်ဝေထားတဲ့ ဗီဒီယိုဖိုင်ကို Boom Myanmar က အချက်အလက် စစ်ဆေး ကြည့်တဲ့အခါ လုပ်ကြံဖန်တီးထားတဲ့ ဗီဒီယိုကလစ် အတု ဖြစ်တာကို တွေ့ရပါတယ်။

မူရင်း ဗီဒီယိုဖိုင်ကို The Washington Post သတင်းစာမှာ ၂၀၁၆ ခုနှစ် မေလ ၁၅ ရက်နေ့မှာ ဖော်ပြထားတာ ဖြစ်ပါတယ်။ စက္ကန့် ၅၀ ကြာမြင့်တဲ့ မူရင်း ဗီဒီယိုဖိုင်ရဲ့ နောက်ဆုံးပိုင်း ၁၄ စက္ကန့်ကို ဖြတ်တောက်ပြီး KIA က စစ်တပ် ရဟတ်ယာဉ်တစ်စီး ပစ်ချလိုက် သယောင် လုပ်ကြံဖြန့်ဝေထားတာ ဖြစ်ပါတယ်။

မူရင်းဗီဒီယိုမှာ ကာ့ဒ်စစ်သွေးကြွတွေက တူရကီစစ်တပ် ရဟတ်ယာဉ်ကို ပစ်ချခဲ့တဲ့ ဗီဒီယိုဖိုင်ဆိုပြီး ရေးသားထားပါတယ်။

မူရင်း ဗီဒီယိုဖိုင်ကို ဒီနေရာ မှာ ဝင်ရောက် ကြည့်ရှု့နိုင်ပါတယ်။