NUG ဝန်ကြီးတွေကို ဂုဏ်ထူးဆောင်ဘွဲ့ပေးမယ်လို့ မင်းအောင်လှိုင်ပြောတယ်ဆိုတဲ့ သတင်းအမှား

ဒီအကြောင်းအရာကို သတင်းအမှားတွေ ဆက်တိုက်ဖြန့်ဝေနေတဲ့ BMW ဆိုတဲ့ ဖေစ့်ဘွတ်ပေချ့်မှာ ဒီဇင်ဘာလ ၁၉ ရက်နေ့ နေ့လည်ပိုင်းမှာ စတင်ဖြန့်ဝေနေတာဖြစ်ပြီး ထပ်ဆင့်ဖြန့်ဝေမှုတွေလည်း ရှိနေပါတယ်။ဖြန့်ဝေရာမှာ ကြာချိန် ၉ မိနစ်နီးပါးရှိတဲ့ ဗွီဒီယိုဖိုင်တစ်ခုနဲ့ အတူ 'ပထမဆုံးလာဆွေးနွေးတဲ့ NUG ဝန်ကြီးတွေကို နိုင်ငံတော် ဂုဏ်ထူးဆောင်ဘွဲ့ပေးမယ်လို့ မအလ ဖိတ်ခေါ်' လို့ ရေးသားဖြန့်ဝေထားတာပါ။

ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။

သတင်းဆန်းစစ်ချက်

ပထမဆုံးလာဆွေးနွေးတဲ့ NUG ဝန်ကြီးတွေကို နိုင်ငံတော် ဂုဏ်ထူးဆောင်ဘွဲ့ပေးမယ်လို့ မင်းအောင်လှိုင် ဖိတ်ခေါ်ဆိုပြီး ဖြန့်ဝေနေတာတွေဟာ လုပ်ကြံရေးသားထားတဲ့ သတင်းအမှားတွေပဲ ဖြစ်ပါတယ်။

စစ်ခေါင်းဆောင်က NUG ဝန်ကြီးတွေကို ဖိတ်ခေါ်တယ်ဆိုတဲ့ အကြောင်းအရာကို ယုံကြည်စိတ်ချရတဲ့ ပြည်တွင်း၊ ပြည်ပ နိုင်ငံတကာ သတင်းတွေမှာ ဖော်ပြထားတာလည်း မရှိသလို စစ်ကောင်စီရဲ့ သတင်းပြန်ကြားရေး ချန်နယ်တွေမှာလည်း ကြေညာထားတာမရှိပါဘူး။

ဒီ Video ဟာ ကြည့်ရှု့သူ အရေအတွက်များအောင် လိမ်ညာဖြန့်ဝေပြီး Viewers အရေအတွက်ကနေ ဝင်ငွေရှာနေတဲ့ Clickbaits သတင်းတစ်ပုဒ်သာ ဖြစ်ပါတယ်။