NLD ပါတီကစည်းရုံးရေးအတွက် နိုင်ငံပိုင်ငွေကြေးသုံးစွဲတယ်ဆိုတဲ့ သတင်းအမှား

အခုထွက်ပေါ်နေတဲ့ သတင်းမှားထဲမှာ "NLD ပါတီအနေနဲ့ နိုင်ငံတော်ပိုင် ငွေကြေးတွေကို ရပ်ကွက်အုပ်ချုပ်ရေးမှူးအဆင့်အထိ အဆင့်ဆင့်ခေါင်းပုံဖြတ်နေကြောင်း၊ ရွေးကောက်ပွဲမှာ ပြည်သူတွေကို ငွေနဲ့ စည်းရုံးရေးဆင်းပြီး မိမိပါတီမဲရရေး အတွက် နိုင်ငံပိုင်ငွေကြေးမှ မြို့နယ် ၂၃ မြို့နယ်အား သိန်း ၉ သောင်းကျော် သုံးစွဲခဲ့ကြောင်း၊ နိုင်ငံတော် အတိုင်ပင်ခံရုံးမှာ နိုင်ငံခြားသား အကြံပေး ၉၀ ကျော် ခေါ်ယူထားခြင်းမှာ မိမိရဲ့ အိမ်တွင်းရေးကို ကမ္ဘာသိအောင်ဖေါ်ပြနေခြင်းဖြစ်ကြောင်း" ရေးသား ဖြန့်ဝေနေတာပါ။ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

ခုရေးသားဖြန့်ဝေနေတဲ့ စွပ်ဆွဲချက်တွေဟာ မှားယွင်းနေပြီး သတင်းအမှားတွေသာဖြစ်တယ်ဆိုပြီး ပြည်ထောင်စုရွေးကောက်ပွဲ ကော်မရှင် (UEC) က ဒီဇင်ဘာလာ ၂၆ ရက်နေ့ နေ့လည်ပိုင်းက ကြေငြာထားပါတယ်။

UEC ရဲ့ ကြေငြာချက်ကို ဒီနေရာ မှာ ကြည့်ရှု့နိုင်ပါတယ်။

နောက်ထပ် ဒီသတင်းမှာ ပါတဲ့ နိုင်ငံတော် အတိုင်ပင်ခံရုံးမှာ နိုင်ငံခြားသား အကြံပေး ၉၀ ကျော် ခေါ်ယူထားတယ်ဆိုတာကို BOOM က သတင်းဆန်းစစ်ချက် ပြုလုပ်ပြီးဖြစ်ပြီး အောက်တိုဘာလ ၁၉ ရက်နေ့က ဖော်ပြပြီးဖြစ်ပါတယ်။

နိုင်ငံတော်သမ္မတရုံးမှာ အကြံပေးပုဂ္ဂိုလ် ၄ ဦး ခန့်အပ်ထားပြီး ဥပဒေဆိုင်ရာ အငြိမ်းစား ဝန်ထမ်း ကို ဥပဒေရေးရာ အကြံပေး၊ နိုင်ငံခြားရေးရာအငြိမ်းစား ဝန်ထမ်းတစ်ဦးကို နယ်စပ်ဆိုင်ရာ အကြံပေးနဲ့ ရခိုင်ပြည်နယ် နယ်/လုံ ဝန်ကြီးဟောင်း တစ်ဦးကို ရခိုင်ပြည်နယ်ဆိုင်ရာ အကြံပေးအဖြစ် ခန့်အပ်ထားသာဖြစ်တယ်လို့ သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောဆိုထားပါတယ်။ BOOM မှာ ဖော်ပြခဲ့တဲ့ သတင်းကို ဒီနေရာ မှာ ဝင်ရောက်ကြည့်ရှု့နိုင်ပါတယ်။