NUG နဲ့ စစ်ကောင်စီ ချင်းမိုင်မှာ တွေ့ဆုံညှိနှိုင်းတယ် ဆိုတဲ့ သတင်းအမှား
နှစ်သစ်ကူးညမှာ အမျိုးသားညီညွတ်ရေးအစိုးရနဲ့ စစ်ကောင်စီတို့ ချင်းမိုင်မှာ တွေ့ဆုံညှိနှိုင်းနေတယ်ဆိုတဲ့ သတင်းအမှားတစ်ပုဒ် ထွက်ပေါ်နေပါတယ်။
အဆိုပါ သတင်းအမှားကို Aung Naing Htwe ခေါ် ဂိုရှယ်လေး ဆိုတဲ့ ဖေ့စ်ဘွတ်အကောင့်က ဇန်နဝါရီလ ၁ ရက် မနက် ၁၂ နာရီ ၁၆ မိနစ်မှာ ရေးတင်ထားတာဖြစ်ပြီး ၎င်းသတင်းအမှားထဲမှာ "ပထမဆုံး အတိကျ နှစ်သစ်ကူးလက်ဆောင်သတင်းကောင်း နှစ်သစ်မှာ ငြိမ်းချမ်းပါစေ။ နစက နှင့် NUG တို့ ချင်းမိုင်မှာ ညှိနိုင်းကြပါတယ်ခင်ဗျာ။ GSL 100% 100% 100% 100% ပါ ခင်ဗျ။ အန်ယူဂျီ ဉီးရည်မွန်မှ ရရှိသတင်းမှန်ပါ။ သတင်းမှားလျင် တရားစွဲပါ။ အခုပင် ချင်းမိုင်မြို့ရဲ့ ဟိုတယ်တခုမှာဗိုလ်ချုပ်ယာပြည့်နဲ့ ချီးယား ကြပါတယ်။အားလုံးကို ကျေးဇူးတင်ပါတယ်။ဂိုလ်ရှယ်လေးမှတ်ချက်။ ။ ယခုပို့စ်အားလုံးလုံးဝ ဖျက်မည် မဟုတ်ပါ" လို့ ရေးထားပါတယ်။
မူရင်းရေးသားဖြန့်ဝေမှုကို ဒီနေရာ ၊ ဒီနေရာ ၊ ဒီနေရာ နဲ့ ဒီနေရာ မှာကြည့်ပါ။
အဆိုပါ သတင်းအမှားကို Like လုပ်ထားသူ ၄၃၀၀ ကျော်နဲ့ ထပ်ဆင့်ဝေမျှထားသူ ၈၀၀ ကျော်ရှိကာ ကူးယူဖော်ပြသူတွေလည်း ရှိနေပါတယ်။
သတင်းဆန်းစစ်ချက်
စစ်ကောင်စီ နဲ့ NUG ကာကွယ်ရေးဝန်ကြီး ဦးရည်မွန်တို့ ချင်းမိုင်မှာ တွေ့ဆုံညှိနှိုင်းခဲ့တယ် ဆိုတဲ့ အကြောင်းအရာကို Boom က အချက်အလက် စစ်ဆေးကြည့်တဲ့အခါ လုပ်ကြံရေးသားထားတဲ့ သတင်းအမှားဖြစ်တာကို တွေ့ရပါတယ်။
အဆိုပါ အကြောင်းအရာနဲ့ ပတ်သက်ပြီး NUG ကာကွယ်ရေးဝန်ကြီး ဦးရည်မွန်က ၎င်းရဲ့ ဖေ့စ်ဘွတ်စာမျက်နှာပေါ်မှာ သတင်းအမှားဖြစ်ကြောင်းပြန်လည်ဖြေရှင်းထားပါတယ်။ ဦးရည်မွန်ရေးသားထားတဲ့ ဖေ့စ်ဘွတ်ပိုစ့်ကို ဒီမှာ ကြည့်ပါ။
သတင်းအမှားစဖြန့်ခဲ့တဲ့ Aung Naing Htwe ဆိုတဲ့ ဖေ့စ်ဘွတ်အကောင့်ဟာ ဂိုရှယ်လေးဆိုတဲ့ နာမည်နဲ့ သတင်းအမှားတွေ မကြာခဏ ဖြန့်ဝေနေသူတစ်ဦးဖြစ်ပါတယ်။