လင်းပိုင်တွေက ကလေးမွေးနေတဲ့ ဝေလငါးကြီးကို ငါးမန်းရန်က ကာကွယ်ပေးနေတာလား

ဒီအကြောင်းအရာကို ဖေစ့်ဘွတ်နဲ့ Threads လူမှုကွန်ရက်တွေပေါ်မှာ ဖြန့်ဝေနေတာဖြစ်ပြီး ထပ်ဆင့်ဖြန့်ဝေမှုတွေလည်း ရှိနေပါတယ်။

ဖြန့်ဝေရာမှာ လင်းပိုင်အများအပြား ကို ရိုက်ယူထားတဲ့ ဗီဒီယိုဖိုင်တစ်ခုနဲ့အတူ ‘ငါးမန်းတွေတိုက်ခိုက်တာ ခံနေရတဲ့ ကလေးမွေးနေတဲ့ ဝေလငါးကြီးဆီကို လင်းပိုင်တွေလာပြီး ဝန်းရံစောင့်ရှောက်နေတာ။ လင်းပိုင်တွေက ဝေလငါးကြီးကို ဝန်းရံထားပြီး ငါးမန်းတွေကို အဝေးကို မောင်းထုတ်လိုက်တယ်။ ဝေလငါးသားပေါက်ရော မိခင်ရော လုံခြုံပါတယ်’ အဓိပ္ပါယ်ရတဲ့ အဂ်လိပ်ဘာသာစကားနဲ့ ရေးသားဖြန့်ဝေနေကြတာပါ။

ဖြန့်ဝေမှုတွေကို ဒီနေရာ၊ ဒီနေရာ နဲ့ ဒီနေရာ တွေမှာ ဝင်ရောက် ကြည့်ရှု့နိုင်ပါတယ်။

သတင်းဆန်းစစ်ချက်

ဒီ အကြောင်းအရာကို Boom Myanmar က အချက်အလက် စစ်ဆေး ကြည့်တဲ့အခါ လုပ်ကြံဖန်တီးထားတဲ့ သတင်းအတု ဖြစ်တာကို တွေ့ရပါတယ်။

ဖြန့်ဝေထားတဲ့ ဗီဒီယိုကလစ်ဟာ Cape {town} Etc ဆိုတဲ့ Youtube ချန်နယ်မှာ ၂၀၂၁ ခုနှစ် ဧပြီ ၁၅ ရက်နေ့က တင်ထားတဲ့ ဗီဒီယိုဖိုင်ဖြစ်ပါတယ်။

‘ဒီဗီဒီယိုကို တောင်အာဖရိက ကမ်းရိုးတန်းတစ်နေရာမှာ ဝေလငါးနဲ့ လင်းပိုင်တွေကို အစာကျွေးနေတုန်း ရိုက်ကူးထားတာ ဖြစ်ပါတယ်။ အခုဖြန့်ဝေနေသလို ကလေးမွေးနေတဲ့ ဝေလငါးကြီးကို လင်းပိုင်တွေက ငါးမန်းရန်က ကာကွယ်နေတာ မဟုတ်ပါဘူး။

Cape {town} Etc ဆိုတဲ့ Youtube ချန်နယ်မှာ တင်ထားတဲ့ မူရင်း ဗီဒီယိုဖိုင်ကို ဒီနေရာ မှာ ဝင်ရောက်ကြည့်ရှု့နိုင်ပါတယ်။