စစ်ကိုင်းတိုင်းအတွင်း PDF ၁၄၅ ယောက်အလင်းဝင်တယ်ဆိုတဲ့ သတင်းအမှား

စစ်ကောင်စီ ထောက်ခံအားပေးတဲ့ ဖေစ့်ဘွတ်အကောင့်တွေမှာ ဖေဖော်ဝါရီ ၁ ရက်နေ့မှာ စတင်ဖြန့်ဝေနေတာဖြစ်ပြီး စစ်ကိုင်းတိုင်းအတွင်းရှိ ကလေး၊ မင်းတပ်၊ မုံရွာ၊ ချောင်းဦးနဲ့ အရာတော် ဒေသတွေဆီမှာ ပုန်းရှောင်နေတဲ့ GZ တွေ မနက် ၆ နာရီမှာ နီးစပ်ရာ စစ်ကောင်စီစခန်းတွေမှာ အလင်းဝင်ခဲ့တယ်လို့ ရေးသားထားတာပါ။

"ကလေးမြို ၃၀၊ မင်းတပ် ၄၅၊ မုံရွာ ၂၀၊ ချောင်းဦး ၃၅၊ အရာတော် ၂၀ ပေါင်း ၁၄၅ ယောက် နယ်မြေ အသီးသီးတွင် လာရောက် အလင်းဝင်ကြပါတယ်။ အသေးစိတ်တော့ မသိရေသးပါ။" ဆိုပြီးလည်း ရေးသားထားပါသေးတယ်။

ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

တကယ်တော့ အခုဖြန့်ဝေနေတဲ့ ပိုစ့်တွေနဲ့ ပုံစံတူလုပ်ကြံထားတဲ့ သတင်းအမှားကို ပြီးခဲ့တဲ့နှစ် အောက်တိုဘာလ အစောပိုင်းက တစ်ခါ ဖြန့်ဝေခဲ့ပါသေးတယ်။ အဲ့အချိန် ဖြန့်ဝေမှုမှာလည်း အခုဖြန့်ဝေနေတဲ့ စာသားတွေအတိုင်း ရေးသားထားတာပါ။ အောက်ပါပုံကို ကြည့်ပါ။

ပြီးခဲ့တဲ့နှစ်အတွင်းက ဖြန့်ဝေခဲ့မှုကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

စစ်ကောင်စီထောက်ခံသူ ဖေစ့်ဘွတ်အကောင့်နဲ့ ပေချ့်တွေမှာ ပြည်သူ့ကာကွယ်ရေး တပ်ဖွဲဝင်တွေ အလင်းဝင်တယ်ဆိုပြီး လုပ်ကြံရေးသားထားတဲ့ သတင်းအမှားတွေကို မကြာခန ဖြန့်ဝေနေတဲ့အတွက် BOOM က သတင်းဆန်းစစ်ထားခဲ့ပါတယ်။

BOOM ရဲ့ သတင်းဆန်းစစ်ထားတဲ့ သတင်းတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။