အဆိုပါ ဓါတ်ပုံကို လူမှုကွန်ယက်စာမျက်နှာ တွေပေါ်မှာဖြန့်ထားကြတာဖြစ်ပြီး မကြာသေးမီက လုပ်ကြံခံထားရတဲ့ အမေရိကန် သမ္မတဟောင်း ဒေါ်နယ်ထရမ့်ရဲ့ နားရွက်ကို အနာကပ် ပလာစတာ ကပ်ထားတဲ့ဓါတ်ပုံကို အသုံးပြုထားပါတယ်။ ၎င်းဓါတ်ပုံကို Time မဂ္ဂဇင်းရဲ့ မျက်နှာဖုံးမှာ ဖော်ပြထားတဲ့ပုံစံပြုလုပ်ထားကာ “Man of the Ear” ဆိုတဲ့ စာကို ရေးသားထားပါတယ်။
မူရင်းရေးသားဖြန့်ဝေမှုကို ဒီနေရာ နဲ့ ဒီနေရာမှာ ကြည့်ပါ။
အဆိုပါ ဓါတ်ပုံကို လူမှုကွန်ယက်စာမျက်နှာတွေပေါ်မှာ အသီးသီးဖြန့်ဝေထားကြပါတယ်။
သတင်းဆန်းစစ်ချက်
တိုမ်းမဂ္ဂဇင်းက ဒေါ်နယ်ထရမ့်ကို Man of the Ear အဖြစ်ဖော်ပြခဲ့တယ်ဆိုတဲ့ ဓါတ်ပုံကို Boom Myanmar က အချက်အလက် စစ်ဆေးကြည့်တဲ့အခါ ပြုပြင်ထားတဲ့ ဓါတ်ပုံအတုဖြစ်တာကို တွေ့ရပါတယ်။
တိုမ်းမဂ္ဂဇင်းတွေဟာ မကြာခဏ အတုပြုလုပ်ခံရလေ့ရှိတဲ့အတွက် ၎င်းတို့ရဲ့ Cover Photo အစစ်နဲ့ အတုကို ခွဲခြားချင်ရင် အပေါ်ဘက်ထောင့်မှာ နေ့စွဲနဲ့ အောက်ဘက်ထောင့်မှာ Website ရဲ့ လိပ်စာ ပါဝင်တဲ့အတွက် အတု၊ အစစ် အလွယ်တကူခွဲနိုင်ကြောင်း၊ Logo ပုံစံ စတဲ့အသေးစိပ်တွေနဲ့လည်း ခွဲခြားကြည့်နိုင်တယ်လို့ ဆောင်းပါးတစ်ပုဒ်မှာ ဖော်ပြထားပါတယ်။
အခု ဓါတ်ပုံအတုထဲမှာတော့ သိသာထင်ရှားတဲ့ နေ့စွဲတွေ၊ Website လိပ်စာတွေလည်း ပါမလာသလို တိုမ်းရဲ့ Website ထဲမှာလည်း ဒီဓါတ်ပုံနဲ့ ကာဘာဖိုတို မရှိပါဘူး။
ဒေါ်နယ်ထရမ့် မဲဆွယ်စည်းရုံးရေး ကမ်ပိန်းမှာ လုပ်ကြံခံရကာ နားရွက်ထိသွားပြီးနောက် အခုလို ဓါတ်ပုံအတုတွေနဲ့ ဖြန့်ဝေနေကြတာပဲ ဖြစ်ပါတယ်။